Զույգն անհաջող կատակի պատճառով ամուսնալուծվել է հարսանիքից մեկ օր անց
Այլ
Բրիտանուհին ամուսնությունից մեկ օր անց բաժանվել է ամուսնուց, քանի որ վերջինս տորթ է նետել իր դեմքին։ Այս մասին հայտնում է Mirror-ը։
Երիտասարդները հանդիպել են ավելի քան երկու տարի և որոշել են օրինականացնել իրենց հարաբերությունները։ Ընդ որում, աղջիկն ապագա ամուսնուն խնդրել է չկրկնել Մեծ Բրիտանիայում տարածված՝ միմյանց վրա հարսանեկան տորթ նետելու կատակը։ Մանկության տարիներին բրիտանուհու հետ այդպես էր կատակում իր մայրը։
Այնուամենայնիվ, տղամարդը որոշել է չլսել իր ապագա կնոջը և հարսանեկան արարողության ժամանակ տորթ է նետել նրա դեմքին՝ փչացնելով բրիտանուհու զգեստն ու դիմահարդարումը։ Դրանից հետո նա գնացել է հյուրանոց, իսկ առավոտյան որոշել է ամուսնալուծվել։
«Ես զգուշացրել էի՝ եթե այդ հիմար կատակը կրկնի, մենք կբաժանվենք։ Դա պետք է լիներ իմ կյանքի ամենաերջանիկ օրը, բայց նա փչացրեց ամեն ինչ մի կատակի պատճառով, որը ես ատում եմ: Եվ նա գիտեր այդ մասին»,- բացատրել է աղջիկը։
Երիտասարդը հրաժարվել է ներողություն խնդրել իր արարքի համար, աղջկան մեղադրել է հարսանիքը խափանելու մեջ ու պահանջել է տուն վերադառնալ։ Սա միայն ամրապնդել է բրիտանուհու ցանկությունը՝ խզել հարաբերությունները մի տղամարդու հետ, ով, նրա կարծիքով, պատասխանատու մարդ չէ։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
