Հայտնաբերվել է մեծ քանակությամբ զենք-զինամթերք

Shamshyan-ի հաղորդմամբ՝ այսօր՝ հոկտեմբերի 13-ին, ՀՀ ՆԳՆ Ոստիկանության Կոտայքի բաժնի քրեական հետախուզության բաժանմունքի օպերլիազոր Սարգիս Սարգսյանը օպերատւվ տեղեկություններ է ստացել, որ Կոտայքի մարզի X բնակիչը, ով Արցախյան մի քանի պատերազմների մասնակից է, մեծ քանակի զենք և զինամթերք է պատերազմներից հետո պահում իր մոտ։

Այսօր՝ ժամը 06:50-ին ոստիկանության Կոտայքի բաժնի հերթապահ մաս ահազանգ է ստացվում և քաղաքացին հայտնում է , որ ինքը արցախյան պատերազմների մասնակից է և իր հետ տարիների ընթացքում մեծ քանակի զենքեր ու զինամթերք է բերել, ու քանի որ հեռուստատեսությամբ մի քանի անգամ տեսել է ՀՀ ոստիկանության կոչը և հավատալով ոստիկանության Կոտայքի բաժնի քրեական հետախուզությանը, ինքը Կոտայք գյուղից դեպի Կապուտան գյուղ գնացող ճանապարհի կամրջի աջակողմյան հատվածում գտնվող ձորակում մեծ քանակի զենք-զինամթերք է թողել։

Ոստիկաններն ու սակրավորները նշված վայրում հայտնաբերում են մի ամբողջ զինանոց՝ զենք ու զինամթերք, այդ թվում ինքնաձիգներ, Մակարով տեսակի ատրճանակներ, ինքնաձիգի մեծ քանակի փամփշտատուփեր, որոնք լցված են փամփուշտներով, նռնականետեր, հակատանկային նռնակների վառոդ, F1 տեսակի նռնակներ, ՌԳԴ X5 տեսակի ձեռքի նռնակներ, տարբեր տրամաչափի փամփուշտներ, գնդացիրի համար նախատեսված փամփուշտներ, թմբուկավոր ատրճանակներ և այլ տեսակի զենք-զինամթերք։
 

Ավելին՝ սկզբնաղբյուր կայքում։