Մասկը հայտարարել է, որ մարդկությունը գնում է դեպի երրորդ համաշխարհային պատերազմ

Մարդկությունը գնում է դեպի երրորդ համաշխարհային պատերազմ՝ ԱՄՆ իշխանությունների վարած քաղաքականության պատճառով, որը ստիպում է Ռուսաստանին և Իրանին կոալիցիա կազմել Չինաստանի հետ։ Նման կարծիք է հայտնել Իլոն Մասկը, ում պատկանում են Tesla-ն ու SpaceX-ը, ինչպես նաև X սոցիալական ցանցը (նախկինում՝ Twitter):

«Կարծում եմ՝ մենք, առանց գիտակցելու, գնում ենք դեպի երրորդ համաշխարհային պատերազմ՝ մեկը մյուսի հետևից հիմար որոշումներ կայացնելով», - ասել է Մասկը X–ի իր էջում հրապարակված փոդքասթում: Ըստ Մասկի՝ Վաշինգտոնի ընտրած քաղաքական կուրսը «պարտադրում է Ռուսաստանին և Իրանին» դաշինքի մեջ մտնել Չինաստանի հետ», որոնք միասին ներկայացնում են Արևմուտքի տպավորիչ հակակշիռը։ Եթե ​​այս երկու կողմերի շահերը բախվեն, ապա պետք է ակնկալել «լայնածավալ ճակատամարտ», որտեղ ԱՄՆ գլխավորած կոալիցիան չի ունենա «ակնհայտ առավելություն արդյունաբերական հզորության մեջ», որը կարող է հաղթանակ ապահովել ռազմական գործողություններում։

«Ռուսաստանն ունի հումք, իսկ Չինաստանը՝ արդյունաբերական ներուժ, որն, անկեղծ ասած, իդեալական համադրություն է պատերազմի տեսանկյունից»,- ասել է Մասկը՝ կոչ անելով ԱՄՆ իշխանություններին հրաժարվել առճակատման քաղաքականությունից։ «Սա խելամիտ չէ, և ես կարծում եմ, որ դա կհանգեցնի քաղաքակրթության համար հսկայական ռիսկի: <...> Հնարավոր է, որ մենք երբեք չապաքինվենք երրորդ համաշխարհային պատերազմից: Եվ կարծում եմ, որ այս պահին դրա ռիսկը արագորեն մեծանում է, », - եզրափակել է ձեռներեցը: