Իսրայելական ԱԹՍ–ն հարվածել է Գազայի հիվանդանոցային համալիրին․ կան զոհեր

Իսրայելական անօդաչու թռչող սարքը հարվածել է Գազայի Էլ-Շեֆա հիվանդանոցային համալիրին, կան տուժածներ, հայտնում է ՌԻԱ Նովոստիի թղթակիցը՝ վկայակոչելով ականատեսին։

Ըստ թղթակցի՝ իսրայելական անօդաչու թռչող սարքը հարվածել է Գազայի Էլ-Շեֆա հիվանդանոցային համալիրի մուտքին։ Հարվածը տեղի է ունեցել այն ժամանակ, երբ շտապօգնության մի քանի մեքենաներ լքում էին հիվանդանոցային համալիրը։

Հարձակման հետևանքով կան զոհեր և վիրավորներ, սակայն Գազայի հատվածի առողջապահության նախարարությունը դեռ տվյալներ չի հրապարակել։