«Հեզբոլլահ»-ն հայտարարել է, որ խմբավորման ձեռքբերումները նոր փուլ են բացել Իսրայելի դեմ պայքարում
Աշխարհ
Լիբանանի շիական «Հեզբոլլահ» շարժման գլխավոր քարտուղար Հասան Նասրալլան հայտարարել է, որ Գազայի հատվածում պաղեստինյան զինված խմբավորումների ձեռքբերումներն ու արդյունքները նոր փուլ են բացել Իսրայելի դեմ պայքարում, հայտնում է Al Jazeera հեռուստաալիքը։
«Այո, այս ձեռքբերումներն ու արդյունքներն արժանի են այս բոլոր զոհողություններին, քանի որ դրանք նոր փուլ են բացել թշնամու (Իսրայելի) դեմ պայքարում, նոր փուլ ամբողջ տարածաշրջանի ժողովուրդների ճակատագրերում»,- ասել է գլխավոր քարտուղարը։
Նա նաև մատնանշել է, որ պաղեստինցիներն այլ ընտրություն չունեին։
Նոյեմբերի 3-ին Հասան Նասրալլան ելույթ է ունեցել պաղեստինա-իսրայելական հակամարտության սրման ֆոնին։
Մինչ այս ՌԴ ԱԳ նախարար Սերգեյ Լավրովը հայտարարել էր, որ Իսրայելի և Պաղեստինի միջև զինված հակամարտությունը տարածաշրջանայինի վերածվելու ռիսկը շատ մեծ է։
Միաժամանակ դիվանագետը նշել է, որ մի շարք երկրների կողմից Իրանի վրա ողջ պատասխանատվությունը բարդելու փորձերը բավական սադրիչ են։
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
