Թուրքիան հետ է կանչում իր դեսպանին Իսրայելից՝ խորհրդակցությունների համար

Թուրքիան հետ է կանչում Թել Ավիվում Անկարայի դեսպան Շաքիր Թորունլարին՝ Գազայի հատվածում տեղի ունեցող իրադարձությունների հետ կապված խորհրդակցությունների համար, հայտնել է երկրի արտաքին գործերի նախարարությունը, հաղորդում է ՌԻԱ Նովոստին։

«Որոշում է կայացվել Թել Ավիվում մեր դեսպան Շաքիր Օզքան Թորունլարին հետ կանչել Անկարա խորհրդակցությունների համար՝ Գազայի հատվածում տեղի ունեցող մարդասիրական աղետի լույսի ներքո, որը պայմանավորված է Իսրայելի կողմից խաղաղ բնակիչների վրա շարունակվող հարձակումների և հրադադարի ու մարդասիրական օգնության անխափան, շարունակական մատակարարումն ապահովելու կոչերի մերժման պատճառով»,- նշել են արտաքին գործերի նախարարությունից։