Գերմանիայում հայտնաբերվել է միջնադարյան ձեռքի պրոթեզ

Բավարիայում հայտնաբերվել է միջնադարյան ձեռքի պրոթեզ, որն ունի բարդ դիզայն և բաղկացած է մի քանի տեսակի մետաղից։ Այս մասին հայտնում է Arkeonews-ը։ Ձախ ձեռքի պրոթեզը հայտնաբերվել է խողովակաշարի աշխատանքների ժամանակ։ Այն պատկանել է 30-ից 50 տարեկան տղամարդու։

Ըստ ռադիոածխածնային թվագրման՝ նա ապրել է 15-17-րդ դարում։ Նրա ձեռքի հետքերը ցույց են տալիս, որ նրա բոլոր մատները՝ բացառությամբ բթամատի, կարող են անդամահատված լինել։ Պրոթեզը, հավանաբար, ամրացված է եղել թևին ժապավեններով, իսկ կառուցվածքը ծածկվել է կաշվով։

Այն ժամանակ Կենտրոնական Եվրոպայում հաճախակի պատերազմները հանգեցրել էին անդամահատումների թվի աճին և պրոթեզավորման պահանջարկին։ Արհեստական թեւի ամենահայտնի սեփականատերը ասպետ Գյոտց ֆոն Բեռլիխինգենն էր, ով կորցրել է աջ ձեռքը Լանդշուտի պաշարման ժամանակ։

Ի տարբերություն Բավարիայի պրոթեզի՝ այն շարժական էր և տեխնիկապես չափազանց բարդ։ Ընդհանուր առմամբ, հայտնի է ուշ միջնադարի կամ վաղ ժամանակների մոտ 50 նմանատիպ պրոթեզ։