Բժիշկը բացատրել է, թե ինչն է առաջացնում բերանի տհաճ հոտ

Լոնդոնից բժիշկ Զոի Ուիլյամսն ասել է, որ բերանի տհաճ հոտը կարող է կապված լինել աղիքային դիսբակտերիոզի հետ։ Այս մասին հայտնում է Daily Mail-ը։

Աղիքային դիսբակտերիոզը օրգանիզմի մի վիճակ է, որի դեպքում տեղի է ունենում մեծ և բարակ աղիքների միկրոֆլորայի քանակական կամ որակական կազմի փոփոխություն: Նման անհավասարակշռությունը կարող է առաջացնել նյութափոխանակության ու իմունոլոգիական խանգարումներ և աղեստամոքսային տրակտի խանգարումների զարգացում։

Բժիշկը բացատրել է, որ աղիքային դիսբակտերիոզը կարող է ուղեկցվել որովայնի շրջանում անհանգստությամբ և ցավով:

Այս վիճակի պատճառները կարող են լինել սթրեսը, վատ սովորությունները, հորմոնալ անհավասարակշռությունը և տարբեր վարակիչ հիվանդություններ:

Նշվում է, որ աղիքային միկրոֆլորան նորմալացնելու համար պետք է ճիշտ սնվել: Մասնագետները խորհուրդ են տալիս սննդակարգում ավելացնել բուսական մթերքների չափը: Օգտակար կլինի նաեւ ֆերմենտացված մթերքներ ուտելը՝ թթու կաղամբ, մածուն, կեֆիր։ Բանն այն է, որ դրանք պարունակում են պրեբիոտիկներ՝ կենդանի միկրոօրգանիզմներ, որոնք օգտակար են մարդու համար։ Սիստեմատիկ օգտագործման դեպքում դրանք բարենպաստ ազդեցություն են ունենում մարդու օրգանիզմի վրա։ Բացի այդ, պրեբիոտիկները նպաստում են աղեստամոքսային տրակտում օգտակար բակտերիաների աճին: Բակտերիաներն օգտագործում են այդ միկրոօրգանիզմները որպես սնունդ: