Իսրայելը շնորհավորել է Ադրբեջանին «հաղթանակի» կապակցությամբ

Ադրբեջանում Իսրայելի դեսպանատունը շնորհավորել է Ադրբեջանին «հաղթանակի» կապակցությամբ։

«Մենք ողջ տարածաշրջանին մաղթում ենք խաղաղությամբ, բարգավաճմամբ և հույսով լի ապագա»,– ասված է X-ում դեսպանության միկրոբլոգում։

Հիշեցնենք, որ Պաղեստինի առողջապահության նախարարությունը հայտարարել է, որ Գազայի հատվածում Իսրայելի հարվածների հետևանքով զոհերի թիվը հասել է 10 569-ի։

Ըստ գերատեսչության խոսնակ Աշրաֆ ալ Քուդրայի ներկայացրած վերջին տվյալների՝ զոհերի թվում կա 4324 երեխա։ Եվս 26 475 մարդ վիրավորվել է։ Միայն վերջին 24 ժամում զոհվել է 214 մարդ։

Հաղորդվում է նաև, որ 2550 մարդ, այդ թվում՝ 1350 երեխա, դեռ անհետ կորած է։