Պաղեստինամետ ցուցարարները բարձրացել են Շոտլանդիայի խորհրդարանի շենքի վրա

Մի քանի հոգի բարձրացել են Էդինբուրգում Շոտլանդիայի խորհրդարանի շենքի վրա և այնտեղ տեղադրել հսկայական պաստառ ու պաղեստինյան դրոշ, հինգշաբթի հաղորդում է Sky News-ը։

«Մի խումբ ցուցարարներ բարձրացել են Շոտլանդիայի խորհրդարանի շենքի վրա՝ պաստառ և պաղեստինյան դրոշ տեղադրելու համար»,- ասվում է հեռուստաալիքի հաղորդագրության մեջ։

Պաղեստինամետ ակցիային մասնակցել է հինգ մարդ։ Բարձրանալով շենքի վրա՝ նրանք պաստառ և պաղեստինյան դրոշ են տեղադրել՝ կոչ անելով իշխանություններին զենք չմատակարարել Իսրայելին, հաղորդում է Sky News-ը։