«Դարի հարսանիքի» փեսային սպառնում է 25 տարվա ազատազրկում

Ամերիկացի ժառանգորդուհի Մադլեն Բրոքվեյի ընտրյալին՝ Ջեյքոբ Լագրոնին, սպառնում է 25 տարվա ազատազրկում, հայտնում է NBC News-ը։

Նոյեմբերին Փարիզում տեղի է ունեցել Ussery Automotive Group ավտոմոբիլային ընկերության գործադիր տնօրեն Ռոբ Բրոքվեյի դստեր՝ Մադլեն Բրոքվեյի և Ջեյքոբ Լագրոնի շքեղ հարսանիքը, որը լրատվամիջոցներն անվանեցին դարի հարսանիք։ Ըստ բլոգերների և կազմակերպիչների՝ տոնակատարությունն արժեցել էր 25 մլն դոլար։

Ընդ որում, այժմ հայտնի է դարձել, որ Տեխասից հայտնի 29-ամյա փեսային մեղադրանք է առաջադրվել երեք ոստիկանների վրա հարձակվելու համար։ Դատական ​​փաստաթղթերի համաձայն՝ մարտի 14-ին ոստիկանները ահազանգ են ստացել խուլիգանության վերաբերյալ։ Երբ նրանք հասել են դեպքի վայր, Լագրոնը կրակ է բացել նրանց վրա։

Տեղի օրենքների համաձայն՝ հանցագործին կարող է սպառնալ ցմահ ազատազրկում կատարված հանցանքի համար։ Այդուհանդերձ, նրան առաջարկվել է գործարք կնքել, որը կնվազեցնի նրա պատիժը մինչև 25 տարվա ազատազրկում: Նշվում է, որ Լագրոնի սիրելին ներկա չի եղել դատական ​​նիստին։