Հունաստանում COVID-ի դեպքերի աճի պատճառով՝ խորհուրդ է տվել նորից դիմակներ կրել

Հունաստանի Առողջապահության նախարարությունը և EODY Առողջապահության ազգային կազմակերպությունը, պայմանավորված կորոնավիրուսի և շնչառական այլ հիվանդությունների դեպքերի աճով, խորհուրդ են տալիս պատվաստվել նորացված COVID-19 պատվաստանյութով և կրել պաշտպանիչ դիմակ, հայտնում է ՌԻԱ Նովոստին։

Առողջապահության նախարարությունը հանձնարարականներ է տվել Հանրային առողջապահության արտակարգ իրավիճակների արձագանքման հանձնաժողովի նիստից հետո, որի ընթացքում քննարկվել են համաճարակաբանական վերջին տվյալները։

«60 տարեկանից բարձր և ուղեկցող հիվանդություններ ունեցող մարդկանց անհրաժեշտ է պատվաստել նորացված COVID-19 պատվաստանյութով, ինչպես նաև գրիպի դեմ որքան հնարավոր է շուտ՝ համաձայն Իմունիզացիայի ազգային կոմիտեի առաջարկությունների»,-ասվում է ԱՆ հաղորդագրության մեջ։

Գործակալությունը խստորեն խորհուրդ է տալիս հետևել կանխարգելման միջոցառումներին՝ ձեռքերի հիգիենա, փակ տարածքների համակարգված օդափոխություն, ախտանշանների առկայության դեպքում մեկուսացում, դիմակի մշտական ​​օգտագործում հատկապես մարդաշատ վայրերում, խոցելի մարդկանց հետ շփման սահմանափակում և ախտորոշիչ թեստերի անցկացում: