Ռուսաստանի և Ադրբեջանի միջև դաշնակցային հարաբերությունները շատ հաջող զարգացել են. Պուտինն՝ Ալիևին

Ռուսաստանի նախագահ Վլադիմիր Պուտինը գալիք Ամանորի կապակցությամբ շնորհավորական ուղերձ է հղել իր ադրբեջանցի գործընկեր Իլհամ Ալիևին։

«Անցնող տարում Ռուսաստանի և Ադրբեջանի միջև դաշնակցային հարաբերությունները շատ հաջող են զարգացել, և ղեկավարների կանոնավոր հանդիպումները նպաստել են տարբեր ոլորտներում փոխշահավետ պայմանավորվածությունների ձեռքբերմանը», - նշվում է շնորհավորանքի տեքստում։

ՌԴ նախագահը հույս է հայտնել, որ համատեղ արդյունավետ աշխատանքը կշարունակվի ինչպես երկկողմ օրակարգի ընթացիկ հարցերի շուրջ, այնպես էլ Հարավային Կովկասում և Կասպյան տարածաշրջանում խաղաղության և անվտանգության ամրապնդման նպատակով, հայտնում են Կրեմլի մամուլի ծառայությունից։