Բայրամովը մեղադրանքներ է հնչեցրել Ֆրանսիայի հասցեին

Ադրբեջանի արտգործնախարար Ջեյհուն Բայրամովն ընդունել է Փարիզում Ադրբեջանի դեսպանատան աշխատակիցներին, ովքեր հայտարարվել են «պերսոնա նոն գրատա»։

Ադրբեջանի ԱԳՆ ղեկավարը հայտարարել է, թե «Ֆրանսիայի կողմից չարդարացված քայլը հերթական հարվածն է երկկողմ ադրբեջանա-ֆրանսիական հարաբերություններին»։

Նա նաև նշել է, թե երկու երկրների միջև «լարվածության պատճառը Փարիզն է, որը կողմնակալ դիրքորոշում է ցուցաբերում և անհիմն քայլերի է դիմում Բաքվի նկատմամբ»։