ՌԴ ԶՈւ–ն պատասխան հարվածներ է հասցրել Խարկովին՝ Բելգորոդի վրա հրթիռային հարձակումից հետո

Ի պատասխան Ուկրաինայի Զինված ուժերի կողմից Բելգորոդի հրթիռոծության՝ Ռուսաստանի ԶՈւ–ն հարվածներ է հասցրել Խարկովում գտնվող որոշումների կայացման կենտրոններին և ռազմական օբյեկտներին, որոնք օգտագործվում են Կիևի ռեժիմի կողմից: Այս մասին դեկտեմբերի 31-ին հայտնել է պաշտպանության նախարարությունը։

«Նախկին «Խարկով Պալաս» հյուրանոցային համալիրի վրա բարձր ճշգրտության հրթիռային հարվածից սպանվել են Ուկրաինայի Գլխավոր հետախուզական վարչության և Զինված ուժերի ներկայացուցիչներ, որոնք անմիջական մասնակցություն են ունեցել Բելգորոդում ահաբեկչության պլանավորմանն ու իրականացմանը»,– ասված է Telegram-ում հրապարակված հաղորդագրության մեջ։

ՌԴ պաշտպանության նախարարության տվյալներով՝ այնտեղ եղել են «մինչև 200 օտարերկրյա վարձկաններ, որոնք պլանավորվում էին մասնակցել Ուկրաինային սահմանակից ռուսական տարածքում ահաբեկչական արշավանքներին»։