Տոկիոյի օդանավակայանում ինքնաթիռների բախման հետևանքով հինգ մարդ է զոհվել

Ճապոնական առափնյա պահպանության DHC-8 ռազմատրանսպորտային ինքնաթիռի անձնակազմի հինգ անդամները զոհվել են Տոկիոյի օդանավակայանում Japan Airlines ավիաընկերության մարդատար ինքնաթիռի հետ բախման հետևանքով։ Այս մասին հունվարի 2-ին հայտնել է NHK հեռուստաալիքը։

DHC-8–ի օդաչուին հաջողվել է փախչել այրվող ինքնաթիռից, նա գտնվում է ծանր վիճակում։ Առափնյա պահպանությունից հայտնել են, որ ինքնաթիռը պատրաստվում էր թռչել Նիիգատա:

Japan Airlines ավիաընկերության ինքնաթիռում ոչ ոք չի տուժել, 367 ուղևորները և անձնակազմի 12 անդամները տարհանվել են։