Ռուսական ՀՕՊ-ը Ղրիմի երկնքում 10 ուկրաինական հրթիռ է խոցել․ ՌԴ ՊՆ

Ռուսաստանի պաշտպանության նախարարությունը հայտնել է, որ հակաօդային պաշտպանության համակարգերը Ղրիմի երկնքում ուկրաինական տասը հրթիռ են ոչնչացրել։ Այս մասին ասվում է նախարարության հաղորդագրության մեջ։

«Հունվարի 4-ին Մոսկվայի ժամանակով ժամը 17:20-ի սահմաններում կանխվել է Կիևի ռեժիմի կողմից Ռուսաստանի Դաշնության տարածքում գտնվող օբյեկտների ուղղությամբ ավիացիոն կառավարվող հրթիռների կիրառմամբ ահաբեկչական հարձակում իրականացնելու փորձը», - ասված է հաղորդագրությունում։

Սևաստոպոլի ղեկավար Միխայիլ Ռազվոժաևը քաղաքի վրա հարձակումն անվանել է վերջին ժամանակների ամենազանգվածայինը։ Նա հայտնել է, որ բնակելի շենքին բեկորների բախման հետևանքով վիրավորվել է մեկ մարդ։