Էրդողանն ընդունել է ԱՄՆ պետքարտուղարին

Թուրքիայի նախագահ Ռեջեփ Թայիփ Էրդողանը Ստամբուլում ընդունել է ԱՄՆ պետքարտուղար Էնթոնի Բլինքենին։ Հանդիպումը տեղի է ունեցել պետքարտուղարի և Թուրքիայի արտգործնախարար Հաքան Ֆիդանի բանակցություններից հետո և փակ է եղել լրատվամիջոցների համար, հաղորդում է CNN Turk-ը։

Թուրքիայի և ԱՄՆ ԱԳ նախարարները քննարկել են Գազայում ճգնաժամը, Շվեդիայի՝ ՆԱՏՕ-ին անդամակցելու հայտը, որը քննարկվում է Թուրքիայի խորհրդարանում, Վաշինգտոնի կողմից Անկարային F-16 կործանիչների վաճառքը և թուրք-ամերիկյան հարաբերությունները։

Բլինքենը Թուրքիա է ժամանել ուրբաթ երեկոյան։ Թուրքիայից հետո ԱՄՆ պետքարտուղարը կայցելի Հունաստան, Հորդանան, Կատար, ԱՄԷ, Սաուդյան Արաբիա, Իսրայել, Պաղեստին և Եգիպտոս։