Ճապոնիայում այրվել է նախկին վարչապետի նստավայրը (տեսանյութ)

Ամբողջությամբ այրվել է Ճապոնիայի նախկին վարչապետ Կակուեյ Տանակայի նստավայրը Տոկիոյի կենտրոնում, հայտնում է NHK հեռուստաալիքը։

Հրատարակության տվյալներով՝ հրդեհը բռնկվել է հունվարի 8-ի կեսօրին, ենթադրաբար խնկաբույր փայտիկների պատճառով։ 800 քմ մակերեսով հրդեհը մարվել է գրեթե երկու ժամ անց։ Արդյունքում գրեթե ամբողջությամբ այրվել է երկհարկանի շենքը։ Բացի այդ, մասամբ այրվել է նույն տարածքում գտնվող մեկ հարկանի շինություն։ Միջադեպի հետևանքով ոչ ոք չի տուժել։

Տանական զբաղեցրել է Ճապոնիայի վարչապետի պաշտոնը 1972-1974 թվականներին։ Նրա դուստրը նախկինում եղել է արտաքին գործերի նախարար։ Կինը պատմել է, որ խնկաբույր փայտիկներ է տեղադրել այն շինությունում, որտեղ բռնկվել է հրդեհը։