Շվեդիայում կոչ են արել քաղաքացիներին պատրաստ լինել պատերազմի
Աշխարհ
Շվեդիայի քաղաքացիական պաշտպանության նախարար Կարլ-Օսկար Բուլինը քաղաքացիներին կոչ է արել պատրաստվել պատերազմի։ Համապատասխան հայտարարությունը հայտնվել է կառավարության կայքում։
Համաժողովի ընթացքում նա հայտարարել է, որ երկրի յուրաքանչյուր բնակիչ պետք է տեղեկացված լինի աշխարհում տեղի ունեցող իրադարձությունների մասին։ «Շվեդիայում կարող է պատերազմ լինել։ Ուզում եմ դիմել առաջին հերթին ոչ թե ձեր վախին, այլ ձեր իրազեկվածությանը։ Ես ուզում եմ բացել դուռը. դուռ, որը հաճախ փակ է և խճճված է առօրյա կյանքի պահանջներով և խնդիրներով: Մի դուռ, որը շատ շվեդներ, հնարավոր է, փակ են պահել իրենց ողջ կյանքում»,- բացատրել է Բուլինը:
Գերատեսչության ղեկավարի հայտարարությանը միացել է Շվեդիայի զինված ուժերի գլխավոր հրամանատար Միքայել Բյուդենը։ TV4-ին տված հարցազրույցում նա ասել է, որ իրավիճակը գնալով լրջանում է։ «Այժմ խոսքը գնում է՝ խոսքից և ըմբռնումից գործի անցնելու մասին», - ասել է Բուդենը:
Ամենադիտված 
Մնաս բարյավ. Րաֆֆի Հովհաննիսյան
