Գազայի հատվածում զոհերի թիվը գերազանցել է 23,000-ը

Գազայի հատվածում Իսրայելի պաշտպանության բանակի հարվածների հետևանքով զոհերի թիվը հասել է 23084-ի, այս մասին հաղորդվում է Պաղեստինի առողջապահության նախարարության՝ անկլավում գտնվող գրասենյակի տելեգրամյան ալիքում։

«Հոկտեմբերի 7-ից ի վեր Իսրայելի ագրեսիայի հետևանքով զոհերի թիվը հասել է 23084-ի, ևս 58926-ը վիրավորվել է»,- ասվում է հաղորդագրության մեջ։

Հունվարի 6-ին Իսրայելի պաշտպանության բանակի խոսնակ Դանիել Հագարին հայտարարել է, որ իսրայելցի զինվորականներն ավարտել են Գազայի հատվածի հյուսիսում պաղեստինյան ՀԱՄԱՍ խմբավորման ռազմական կառույցների ապամոնտաժումը։