Ճապոնիայում 6 բալ ուժգնությամբ երկրաշարժ է տեղի ունեցել

Ճապոնիայի Նիիգատա պրեֆեկտուրայում 6 բալ ուժգնությամբ երկրաշարժ է տեղի ունեցել, ցունամիի վտանգ չկա, հայտնում է ՌԻԱ Նովոստին։

Ճապոնիայի գլխավոր օդերևութաբանական գործակալության տվյալներով՝ տեղի ժամանակով 17:59-ին  ստորգետնյա ցնցումներ են գրանցվել Նիիգատա պրեֆեկտուրային պատկանող Սադո կղզու տարածքում: Այն գտնվում է հունվարի 1-ի հզոր երկրաշարժից տուժած Իշիկավա պրեֆեկտուրայի Նոտո թերակղզու մոտակայքում։

Երկրաշարժի օջախը գտնվել է ջրի տակ՝ 10 կիլոմետր խորության վրա։

Երկրաշարժի հետևանքով զոհերի և ավերածությունների մասին տեղեկություններ դեռևս չկան։