Պեսկովն արձագանքել է Ռուսաստանի և ՆԱՏՕ-ի միջև հնարավոր հակամարտության մասին տեղեկությանը

Գերմանիան պետք է անհանգստանա Ուկրաինայում հակամարտությանն անմիջականորեն ներգրավվելու մասին, այլ ոչ թե Բալթյան երկրներում հիպոթետիկ հակամարտությամբ: Այսպես է Կրեմլի պաշտոնական ներկայացուցիչ Դմիտրի Պեսկովը «Shot» տելեգրամյան ալիքին տված մեկնաբանությունում պատասխանել գերմանական բանակի կողմից Բալթյան երկրներում Ռուսաստանի հետ հնարավոր պատերազմի սցենարների մշակման մասին լուրերին։

ՌԴ նախագահի մամուլի քարտուղարը Գերմանիայի պաշտպանության նախարարությանը կոչ է արել անհանգստանալ ուկրաինական հակամարտությանն անմիջական մասնակցության, այլ ոչ թե ՆԱՏՕ-ի վրա հարձակվելու Ռուսաստանի գաղտնի ծրագրի մասին։ «Դա պետք է լինի նրանց մտահոգությունը», - նշել է նա:

Հունվարի 14-ի երեկոյան Bild-ը հայտարարեց, որ գերմանացի զինվորականները Ռուսաստանի հետ հնարավոր հակամարտության սցենարներ են մշակում։

Գերմանիայի ՊՆ-ի սցենարի համաձայն՝ Ռուսաստանի և ՆԱՏՕ-ի միջև բաց ռազմական առճակատումը կարող է սկսվել 2025 թվականի ամռանը, և ենթադրվում է, որ բախման ամենահավանական վայրը կլինի Բելառուսի և Կալինինգրադի շրջանի միջև Սուվալկսկի միջանցքը։