ՆԱՏՕ-ի գլխավոր քարտուղարը հայտարարել է, որ չի կարելի թերագնահատել ռուսական բանակը

Այսօրվա դրությամբ ռազմաճակատում իրավիճակը շատ ծանր է Ուկրաինայի Զինված ուժերի համար, և ռուսական բանակը չի կարելի թերագնահատել։ Այս մասին Դավոսի Համաշխարհային տնտեսական ֆորումի ժամանակ հայտարարել է ՆԱՏՕ-ի գլխավոր քարտուղար Յենս Ստոլտենբերգը, փոխանցում է ՏԱՍՍ-ը։

«Ռուսները հարձակվում են։ Ամռանն ուկրաինացիների ձեռնարկած հակագրոհը չտվեց այն արդյունքները, որոնց հույսն ունեին բոլորը: Ռուսաստանն այժմ կուտակում է իր ուժերը՝ լրջորեն հարձակվելով: Սա լուրջ է, մենք չպետք է թերագնահատենք Ռուսաստանին»,- ասել է նա։

Ուկրաինայի նախագահ Վլադիմիր Զելենսկին նախօրեին Դավոսում Համաշխարհային տնտեսական ֆորումի շրջանակներում հանդիպել է Հյուսիսատլանտյան դաշինքի գլխավոր քարտուղար Յենս Ստոլտենբերգի հետ։ Զելենսկու խոսքով՝ կողմերը «քննարկել են շատ կարևոր հարցեր»։