Եթե Ռուսաստանը հաղթի, Եվրոպայի և ՌԴ-ի բոլոր հարևանների անվտանգությունը կասկածի տակ է դրվելու. Մակրոն
Աշխարհ
Ֆրանսիայի նախագահ Էմանուել Մակրոնը հայտարարել է, որ մտադիր է փետրվարին այցելել Կիև՝ քննարկելու Ուկրաինային զենք մատակարարելու հարցը։ Նա համապատասխան հայտարարություն է արել Ելիսեյան պալատում կայացած մամուլի ասուլիսի ժամանակ։
«Զենքի մատակարարումների և համաձայնագրերի հետ միասին, որոնք մենք ավարտում ենք, ես նախատեսում եմ փետրվարին այցելել Ուկրաինա: Ես կհայտարարեմ այս տեքստերի վրա աշխատանքների ավարտի մասին, և կսկսվի զենքի մատակարարումը, որի մասին ես խոսել եմ», - ասել է պետության ղեկավարը։
«Մենք չենք կարող թույլ տալ, որ Ռուսաստանը հաղթի, քանի որ այդ դեպքում Եվրոպայի և Ռուսաստանի բոլոր հարևանների անվտանգությունը կասկածի տակ է դրվելու»,-ասել է Մակրոնը։
Նրա խոսքով՝ Փարիզը պատրաստվում է Կիևին մատակարարել 40 SCALP հրթիռ և «հարյուրավոր ռումբեր»։
Մակրոնը նաև հայտարարել է արդյունաբերության մեջ առաջընթացի մասին, որը Ֆրանսիային թույլ կտա ավելի շատ զենք ուղարկել Ուկրաինա, ներառյալ «Կեսար» ինքնագնաց հաուբիցները:
Ավարտականացման փուլում գտնվող համաձայնագիրը, որի մասին խոսել է Ֆրանսիայի ղեկավարը, Ուկրաինայի անվտանգության երաշխիքներ է պարունակում։
Ամենադիտված 
Մնաս բարյավ. Րաֆֆի Հովհաննիսյան
