Վրաստանը Զելենսկիից և Սանդուից ներողություն է պահանջել

Ուկրաինան և Մոլդովան անարդարացիորեն քննադատել են վրացական իշխանություններին՝ Միխեիլ Սահակաշվիլիի բանտի պայմանների պատճառով, ինչի համար այդ երկրների նախագահներ Վոլոդիմիր Զելենսկին և Մայա Սանդուն պետք է ներողություն խնդրեն վրաց ժողովրդից։ Այդ մասին Վրաստանի հանրային հեռարձակողի Առաջին ալիքին տված հարցազրույցում պահանջել է հանրապետության խորհրդարանի խոսնակ Շալվա Պապուաշվիլին, գրում են միջազգային ԶԼՄ-ները։

«Խոշտանգումների կանխարգելման եվրոպական կոմիտեի եզրակացությունից մենք իմացանք, որ նախագահ Զելենսկին, նախագահ Սանդուն և Եվրախորհրդարանի անդամները ստել են, երբ Վրաստանին մեղադրել են Սահակաշվիլիին խոշտանգելու մեջ։ Ուստի մենք ակնկալում ենք, որ այդ մարդիկ ներողություն կխնդրեն»,- ասել է օրենսդիր մարմնի ղեկավարը։

Հունվարի 18-ին Խոշտանգումների կանխարգելման եվրոպական կոմիտեն զեկույց է հրապարակել Vivamedi կլինիկայում ստուգման մասին, որտեղ բուժվում է Վրաստանի նախկին նախագահը։ Փորձագետների կարծիքով՝ Սահակաշվիլիին պահում են հարմարավետ պայմաններում՝ բացառությամբ մաքուր օդում անբավարար զբոսանքների։

Դեկտեմբերին Սահակաշվիլին հայտարարեց ՆԱՏՕ-ի երկրների՝ ռուսական հատուկ ռազմական գործողության գոտի զորքեր մտցնելու մտադրության մասին։ Քաղաքական գործիչը հայտնել է, որ «փակ աղբյուրներից» գիտի, որ Միացյալ Նահանգները պատրաստվում է «ուղիղ մտնել պատերազմի մեջ»։