Թինա Կանդելակիին թույլ չեն տա մուտք գործել Ղազախստան

Ղազախստանի արտաքին գործերի նախարարության ներկայացուցիչ Այբեկ Սմեդիարովը հայտնել է, որ TNT-ի գլխավոր տնօրեն Թինա Կանդելակիին թույլ չեն տա Ղազախստան մտնել։ Ղազախստանի իշխանությունները դժգոհ են Կանդելակիի վերջին՝ հանրապետությունում «ռուսաց լեզվի տեղահանման մասին» գրառումից, գրում է Kommersant-ը։

Հունվարի 16-ին նա Telegram-ում գրել է, որ Ղազախստանում «դանդաղ, բայց հաստատորեն շարունակում են պետական ​​մակարդակով տեղահանել ռուսաց լեզուն»։ Նա այսպես է մեկնաբանել Ղազախստանի տրանսպորտի նախարարության՝ մի քանի երկաթուղային կայարաններ վերանվանելու և ռուսական անունները ղազախականներով փոխարինելու ծրագրերը։ Թինա Կանդելակին հայտարարել է, որ «պատմության մեջ սեփական տեղը պաշտպանելու պատրվակով՝ կարելի է շատ հեռուն գնալ, հատկապես հարմար է պատմության հետևում թաքնվել նման կասկածելի որոշումներ առաջ տանելու համար»։

Սմեդյարովն ասել է, որ Ղազախստանը «երբեք դա չի ների»: Միգուցե նա ընդհանրապես չի մեկնում Ղազախստան, բայց եթե որոշի գալ, նրան ներս չենք թողնի», - ասել է Հանրապետության արտաքին գործերի նախարարության ներկայացուցիչը։