Ուղևորը թռիչքից րոպեներ առաջ նկատել է ինքնաթիռի թևի վրայից բացակայող պտուտակները

Բրիտանական Virgin Atlantic ավիաընկերության ուղևորը թռիչքից րոպեներ առաջ նկատել է ինքնաթիռի թևի վրայից բացակայող պտուտակները: Պատմության մանրամասներով կիսվել է Manchester Evening News-ը։

Այն բանից հետո, երբ ուղևորը խնդրի մասին հայտնել է անձնակազմի անդամներին, Մանչեսթերից Նյու Յորք չվերթը չեղարկվել է: Ինժեներներ են կանչվել, ովքեր կատարել են տեխնիկական ստուգում և վերացրել խնդիրը, գրում է հրատարակությունը։

Ավիաընկերության ներկայացուցիչներն ասել են, որ հաճախորդների և անձնակազմի անվտանգությունն իրենց առաջնահերթությունն է, և որ այն «ոչ մի կերպ վտանգի չի ենթարկվել»: Virgin Atlantic-ի ուղևորներին տեղափոխել են նպատակակետ այլ չվերթներով: