Հարսնացուն դավաճանել է փեսային հարսանիքի օրը՝ վերջինիս հարազատի հետ

Հարսնացուն որոշել է պահանջել ընկերներից վճարել իր հարսանեկան ծախսերի համար այն բանից հետո, երբ արարողությունը չեղարկվել է իր անհավատարմության պատճառով։ Այս մասին խոսել է Reddit ֆորումի օգտատերերից մեկը, գրում է Lenta.ru–ն։

Հեղինակի ընկերուհին՝ 29-ամյա Դանան, հունվարին պետք է ամուսնանար 32-ամյա Ջոշի հետ։ Աղջիկն սկսել է իրեն տարօրինակ պահել տոնակատարությանը նախապատրաստվելիս։ Աղջկա խոսքով՝ նա բոլոր հարսնաքույրերին ստիպել է զգեստներ փորձել, իսկ հետո յուրաքանչյուրից պահանջել է երկու հազար դոլար վճարել իրեն դուր եկած զգեստի համար։ Նա նաև արգելել է փեսային հարսանիքին հրավիրել այլ ամուսնացած կանանց, բացի ընտանիքի անդամներից: 

Սակայն հարսանիքն էլ ավելի դրամատիկ է եղել։ Դանան ամբողջ առավոտ վատ տրամադրություն է ունեցել և բղավել է ընկերների ու կազմակերպիչների վրա։ Արարողությունից կես ժամ առաջ հարսնացուն խնդրել է իրեն մենակ թողնել՝ հաղթահարելու էմոցիաները։ Գրառման հեղինակը եկեղեցում սպասում էր հարսանիքի մեկնարկին, երբ նրան հանկարծակի մոտեցել է մեկ այլ հարսնաքույր և հայտնել, որ հարսանիքը չեղյալ է հայտարարվել։ Պարզվել է, որ Ջոշը բռացրել է Դանային իր հորեղբոր հետ սիրով զբաղվելիս։

Փեսայի ընտանիքը հայտարարել է, որ չեղարկված հարսանիքի համար պետք է վճարի հարսը, քանի որ չեղարկումը նրա մեղքով է եղել։ Սկանդալի ժամանակ Դանայի հայրն ասել է, որ չի օգնելու դստերը։

Գրառման հեղինակը լքել է տոնակատարության վայրը և ինքն իրեն խոստացել, որ այլևս չի շփվի Դանայի հետ։ Սակայն նախկին հարսնացուն շուտով զանգահարել է նրան՝ պահանջելով հինգ հազար դոլար՝ չեղարկված հարսանիքի համար։ Նրա կարծիքով՝ հաշիվը վճարելու հարցում օգնելն ընկերների պարտականությունն է։ Աղջիկը հրաժարվել է և խնդրել նրան, որ այլեւս իրեն չզանգահարի։