Թոշակառուն, աղբանոցները փորփրելով, 700 հազար եվրո է հավաքել և 10 տուն գնել

Գերմանիայում 80-ամյա թոշակառուն, աղբանոցները փորփրելով, կարողացել է 700 հազար եվրո հավաքել և գնել 10 տուն։ Այս մասին գրում է Bild թերթը։

Հոդվածում ասվում է, որ տղամարդն ապրում է Դարմշտադտ քաղաքում և նման է ծեր մուրացկանի։ Նա ամսական 5 եվրոյից ոչ ավելի է ծախսում սննդի վրա, փորփրում է աղբամանները և բակում աղբ հավաքում: Նա նախկինում աշխատել է որպես էլեկտրաինժեներ, իսկ այժմ ստանում է 3600 եվրո թոշակ և խնայողաբար է ծախսում փողը։ Երբ ցուրտ է լինում, նա տունը տաքացնում է փայտի կտորներով, ինչպես նաև չունի բջջային հեռախոս։ Նրա միակ մեծ ծախսը ինտերնետ հասանելիությամբ նոութբուքն է՝ YouTube-ում բիզնես դասախոսություններ դիտելու համար:

Ըստ հրատարակության՝ տղամարդուն անվանում են «Գերմանիայի ամենատարօրինակ միլիոնատերը»։

Հայնցի բիզնես մոդելը կայանում է տներ գնելու և վարձով տալու մեջ։ Ոչ վաղ անցյալում նա հավաքել է 700.000 եվրո և դրանով գնել իր տասներորդ տունը, իսկ բոլոր տների վերանորոգումն ինքն է արել։