Աղջիկը փորփրել է աղբամանները և զարմացրել համացանցի օգտատերերին արժեքավոր գտածոներով

Բրիտանացի բլոգերը փորփրել է իր հանրակացարանի մոտ գտնվող աղբամանները և զարմացել արժեքավոր գտածոներից: Համապատասխան նյութը հրապարակում է Scottish Sun-ը։

31-ամյա Սալի Սփարքսը պատմել է, որ ամեն տարի ուսանողների հեռանալուց հետո փորփրում է համալսարանի հանրակացարանների մոտ գտնվող աղբարկղերը, քանի որ հաստատության աշխատակիցները միշտ դեն են նետում այն ամենը, ինչ նրանք մոռացել են իրենց հետ տանել: Նրա խոսքով՝ ինքը պարբերաբար շքեղ բրենդների իրեր է գտնում, որոնց ընդհանուր արժեքը հասնում է 15 հազար ֆունտ ստեռլինգի։

Աղջկա գտածոների թվում են Apple Watch-ը, House of CB ապրանքանիշի բոդի, «The Kooples» վերարկու, «Burberry»-ի շապիկներ, «Louis Vuitton» ականջօղեր, «Nike» սպորտային կոշիկներ և զգեստապահարանի այլ իրեր ու աքսեսուարներ: «Շատ բաներ նոր են: Ես դրանք նվիրում եմ բարեգործությանը կամ ինքս եմ հագնում: Ահա այդպես ենք փրկում մոլորակը»,- ​​եզրափակել է բլոգերը։