Մարգարիտա Սիմոնյանը պատմել է, թե ինչպես է հրաշքով փրկվել «Կրոկուսում» տեղի ունեցած ահաբեկչությունից

RT հեռուստաալիքի գլխավոր խմբագիր Մարգարիտա Սիմոնյանը կարող էր ահաբեկչության պահին գտնվել «Կրոկուսում», այս մասին նա հայտարարել է հեղինակային «Ч.Т.Д» հաղորդման եթերում, հաղորդում է ՌԻԱ Նովոստին։

«Ես նույնպես պետք է լինեի այդ «Կրոկուսում»: Հրաշքով այնտեղ չհայտնվեցի: Ռեստորանում հանդիպում ունեի, և կան նույն անունով մի քանի ռեստորաններ, որոնցից մեկը գտնվում է «Կրոկուսում»: Եվ ես ու գործընկերներս, որոնց հետ պետք է հանդիպեի, իրար սխալ էինք հասկացել»,- պատմել է լրագրողը։

Սիմոնյանի խոսքով՝ իր գործընկերները ժամանել են «Կրոկուսում» նույն անունն ունեցող ռեստորան, իսկ ինքը շատ է ուշացել, քանի որ երկար էր մնացել նախորդ հանդիպմանը։

«Ես արդեն մոտենում եմ Մոսկվայի օղակաձև ավտոճանապարհին, այսինքն՝ շատ ավելի մոտ եմ «Կրոկուսին», քան այն վայրին, որտեղ նկատի ունեի... Նրանք ասում են. «Մենք արդեն «Կրոկուսում» ենք, արի այստեղ»։ Եվ ես հասկանում եմ, որ նույնպես մոտ եմ այդ տեղին, բայց այնքան հոգնած եմ, ուրբաթ երեկո է։ Եվ մտածում եմ. «Ոչ, հետո այնտեղից շատ ժամանակ է պահանջվում՝ հաջորդ վայրը հասնելու համար, որտեղ պետք է գնամ», բայց մյուս կողմից էլ՝ «խոզություն է, մարդիկ սպասում են»,- հավելել է լրագրողը։

Ի վերջո նա իր գործընկերներին հրավիրել է հանդիպել ի սկզբանե նախատեսված վայրում, որից հետո նրանք լքել են հաստատությունը և հեռացել: Սիմոնյանի խոսքով՝ հենց որ ռեստորանում նստել են, սկսել են զանգեր ստանալ։

«Եվ ահա ամեն ինչ սկսվեց, իսկ մենք պետք է լինեինք «Կրոկուսում», իհարկե, Պահապան հրեշտակ կա», - եզրափակել է Սիմոնյանը: