ՌԴ Պետդումայում կոչ են արել վերանայել աշխատանքային միգրանտների ներգրավման սկզբունքները

Պետդումայի փոխխոսնակ Պյոտր Տոլստոյը խոսել է աշխատանքային միգրանտների ներգրավման սկզբունքների վերանայման անհրաժեշտության մասին։ Այս մասին հայտնում է «ՌԻԱ Նովոստի»-ն։

Մասնավորապես, նա հանդես է եկել արտոնագրային համակարգի վերացման օգտին։

Տոլստոյը կոչ է արել կրճատել Ռուսաստանում ցածր որակավորում ունեցող մասնագետների գտնվելու ժամկետը։ Նրա կարծիքով՝ դա պետք է սահմանափակվի աշխատանքային պայմանագրի տեւողությամբ։ Դրա ժամկետը լրանալուց հետո միգրանտներին պետք է ստիպել լքել երկիրը: