Աննա Վարդապետյանը Վրաստանի գլխավոր դատախազից նվերներ է ստացել

ՀՀ գլխավոր դատախազ Աննա Վարդապետյանը Վրաստան կատարած աշխատանքային այցի ընթացքում նվերներ է ստացել Վրաստանի գլխավոր դատախազ Գիորգի Գվարախիձեից։

Հոկտեմբերի 22-23-ը Վրաստան կատարած այցի ընթացքում Վարդապետյանին երեք նվեր է հանձնվել։

Կոռուպցիայի կանխարգելման հանձնաժողովի գնահատմամբ՝ նվերներից մեկը՝ կերամիկական սափորի, ափսեի և սփռոցի հավաքածուն, արժե 60 հազար դրամ։

Մյուս նվերը գինու կերամիկական սափորի, բաժակների և ափսեի հավաքածու է, որը նույնպես գնահատվել է 60 հազար դրամ։

Երրորդ նվերը մետաղական հուշանվեր է՝ Վրաստանի դատախազության խորհրդանիշով, որի արժեքը ևս 60 հազար դրամ է։

Այսպիսով, Աննա Վարդապետյանի ստացած երեք նվերների ընդհանուր արժեքը կազմում է 180 հազար դրամ։