ՌԴ–ում օտարերկրացիների գտնվելու մասին օրենքներում փոփոխություններ են տեղի ունեցել
Աշխարհ
Պետդուման առաջին ընթերցմամբ ընդունել է Ռուսաստանում օտարերկրացիների գտնվելու մասին օրենքների փոփոխությունները։ Այժմ նրանք կկարողանան երկրում ժամանակավոր կացության թույլտվություն ստանալ միայն Ռուսաստանի քաղաքացու հետ երկու տարվա ամուսնությունից հետո։
Փոփոխություններ են կատարվել երկու օրենքների տեքստերում՝ Ռուսաստանից մուտքի ու ելքի և երկրում օտարերկրյա քաղաքացիների իրավական կարգավիճակի մասին։ Եթե նախկինում օտարերկրացին Ռուսաստանում բնակվող Ռուսաստանի քաղաքացու հետ ամուսնանալուց հետո կարող էր ժամանակավոր կացության թույլտվություն ստանալ, ապա այժմ դա անելու համար նրանք պետք է միասին ապրեն առնվազն երկու տարի:
Բացի այդ, ինչպես ասվում է Պետդումայի մամուլի հաղորդագրության մեջ, փոփոխություններն ուղղված են «օտարերկրացիների կողմից երեխաների որդեգրման մասին ֆիկտիվ փաստաթղթերի տրամադրման դեպքերի դեմ պայքարին», ովքեր ցանկանում են Ռուսաստանում ժամանակավոր կացության թույլտվություն ստանալ։ Օրենքի նախորդ տարբերակում ասվում էր, որ օտարերկրյա քաղաքացին, ով ունի Ռուսաստանի քաղաքացիություն ունեցող երեխա, կարող է կացության թույլտվություն ստանալ: Այժմ նման երեխա պետք է ծնվի կամ որդեգրվի Ռուսաստանի Դաշնության քաղաքացու հետ ամուսնության ընթացքում:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
