Վրաստանում «օտարերկրյա գործակալների» ռեգիստրում ավելի քան 450 ՀԿ է գրանցվել. Կոբախիձե
Քաղաքական
«Օտարերկրյա ազդեցության թափանցիկության մասին» օրենքով ռեգիստրում գրանցվել է ավելի քան 450 հասարակական կազմակերպություն։ Այդ մասին ճեպազրույցում հայտարարել է Վրաստանի վարչապետ Իրակլի Կոբախիձեն, գրում է ՏԱՍՍ-ը։
«Վրաստանի արդարադատության նախարարություն է դիմել ավելի քան 450 ոչ կառավարական կազմակերպություն, այսինքն՝ օտարերկրյա ֆինանսավորմամբ աշխատող կազմակերպությունների զգալի մասը»,- ճեպազրույցում ասել է Կոբախիձեն։
Վարչապետը նաև նշել է, որ «ՀԿ-ների գրանցման գործընթացը տեղի է ունեցել ակտիվ ճնշման և շանտաժի ֆոնին»։ Նրա խոսքով, «հասարակական կազմակերպություններին սպառնում և շանտաժի են ենթարկում ինչպես ՀԿ-ները, այնպես էլ առանձին օտարերկրյա դոնոր կազմակերպությունները»։
Կոբախիձեն հայտարարել է նաև վրացական ՀԿ-ների համար դրամաշնորհային ծրագիր ստեղծելու որոշման մասին, որն ամբողջությամբ ֆինանսավորվում է հանրապետության պետական բյուջեից վրացի հարկատուների գումարներով։
Ամենադիտված 
Մնաս բարյավ. Րաֆֆի Հովհաննիսյան
