ՀՀ-ում չհաշվառված քաղաքացիական և ծառայողական բոլոր զենքերը ենթակա են հաշվառման. Ոստիկանության հայտարարությունը

«Զենքի շրջանառության կարգավորման մասին» ՀՀ օրենքի 31-րդ հոդվածի 4-րդ մասի համաձայն՝ Հայաստանի Հանրապետությունում շրջանառվող քաղաքացիական և ծառայողական բոլոր զենքերը ենթակա են հաշվառման ՀՀ ոստիկանությունում՝ քաղաքացիական և ծառայողական զենքերի հաշվառման միասնական էլեկտրոնային շտեմարանում և թղթային տարբերակով, որոնց կարգը սահմանում է Կառավարությունը: Այս մասին նշված է ՀՀ ոստիկանության հայտարարության մեջ: Հայտարարությունում նաեւ ասվում է. «Նույն հոդվածի 8-րդ մասի համաձայն՝ չհաշվառված քաղաքացիական զենքերը քաղաքացու կողմից իրավապահ մարմիններին կամովին ներկայացվելու դեպքում, համապատասխան քրեադատավարական ընթացակարգով անցնելուց և վարույթ իրականացնող մարմնի կողմից քրեական վարույթը կարճելու վերաբերյալ որոշումից և օրենքով սահմանված կարգով զենք ձեռք բերելու թույլտվություն ստանալուց հետո, ոստիկանությունը զենքը հաշվառում և տրամադրում է քաղաքացուն՝ համապատասխան թույլտվությամբ: Ելնելով վերոհիշյալ իրավակարգավորումներից՝ բոլոր անձանց, այդ թվում՝ Լեռնային Ղարաբաղից բռնի տեղահանված և Հայաստանի Հանրապետությունում վերաբնակեցված մեր հայրենակիցներին, ովքեր իրենց մոտ ունեն (իրենց հետ բերել են Հայաստանի Հանրապետություն) ՀՀ-ում չհաշվառված որսորդական ողորկափող կամ ակոսափող հրազեն, գազային ատրճանակ, ինչպես նաև պարգևատրական զենք, հորդորվում է ի պահ հանձնել ՆԳՆ ոստիկանությանը՝ վերը նշված ընթացակարգերով անցնելուց հետո զենքի հետագա հաշվառման և տնօրինման հարցը որոշելու համար:

Այս թեմայով Պապոյանի գլխավորությամբ քննարկվել են ՀՀ-ում բիզնես մշակույթի զարգացման, կուտակային կենսաթոշակային ֆոնդերի մասին հարցեր Հայաստանը խաղաղության պայմանագրի իր տարբերակից հանել է բոլոր չհամաձայնեցված դրույթները. Ալիև «Մինչև 2027-2028 թթ. Երևանում բոլոր հին վերելակները պետք է փոխարինված լինեն». Ավինյան ՌԴ-ում կալանավորվել է Փաշինյանին ակտիվ սատարողներից Թաթուլ Ասիլյանը. ArmeniaSputnik Հեռու պահենք Հայաստանը տարածքային ամբողջականությունը խաթարող բոլոր տեսակի զիջումներից ու համաձայնագրերից. Արամ Ա