Շոյգուն ու Կիմ Չեն Ընը հանդիպել են
Հասարակություն
Ռուսաստանի Անվտանգության խորհրդի քարտուղար Սերգեյ Շոյգուն սեպտեմբերի 13-ին այցելել է Հյուսիսային Կորեա, և Փհենյանում նրան ընդունել է Հյուսիսային Կորեայի առաջնորդ Կիմ Չեն Ընը, ուրբաթ օրը հայտնել է ՌԴ Անվտանգության խորհուրդը, գրում է Interfax-ը։
«Սեպտեմբերի 13-ին Փհենյանում էր գտնվում Ռուսաստանի Դաշնության Անվտանգության խորհրդի քարտուղար Սերգեյ Շոյգուն։ Շոյգուին ընդունել է ԿԺԴՀ Պետական գործերի նախագահ, ընկեր Կիմ Չեն Ընը։ Քննարկվել են երկկողմ և միջազգային օրակարգի հարցեր»,- ասվում է Անվտանգության խորհրդի կայքում հրապարակված հաղորդագրության մեջ։
Հաղորդագրության համաձայն՝ հանդիպումներն անցել են կոնֆիդենցիալ, բարեկամական մթնոլորտում՝ երկու երկրների ղեկավարների պայմանավորվածությունների համատեքստում, որոնք ձեռք են բերվել ՌԴ նախագահ Վլադիմիր Պուտինի՝ 2024 թվականի հունիսին Փհենյան կատարած պետական այցի ընթացքում։
«Նրանք կարևոր ներդրում կունենան իրենց կողմից ստորագրված «Համապարփակ ռազմավարական գործընկերության մասին» երկկողմ պայմանագրի դրույթների իրականացման գործում», - ասվում է ՌԴ Անվտանգության խորհրդի հայտարարության մեջ:
Ամենադիտված 
Հարյուրավոր հասցեներում գազ չի լինի՝ հոկտեմբերի 28-ին, 29-ին, 30-ին և 31-ին
