Այն ձեւով, որով ներկայացնել այդ խնդիրը, հակասում է ՀՀ պետական շահերին. Փաշինյանը՝ արցախցիների վերադարձի մասին

Ես ուզում եմ ասել, որ ԼՂ լուծարման վերաբերյալ որոշումը ես չեմ ստորագրել, ընդհակառակը, ԼՂ-ում այդ որոշումն ընդունելուց առաջ տեղի է ունեցել իշխանափոխություն, որը քաջալերվել և ողջունվել է ՀՀ-ում գործող բոլորիս հայտնի շրջանակների կողմից: Այս մասին, այսօր՝ օգոստոսի 31-ին, Կարեն Դեմիրճյանի անվան մարզահամերգային համալիրում իր ասուլիսի ժամանակ նշեց ՀՀ վարչապետ Նիկոլ Փաշինյանը՝ անդրադառնալով հարցին, թե ինչու է վախենում խոսել ԼՂ բնկիչների վերադարձի մասին:

«Ինչ վերաբերում է վերադարձի իրավունքին, ես ուզում եմ ասել, որ այն ընկալումներով ու ձեւակերպումներով որոնցով ԼՂ-ի մեր մի խումբ հայրենակիցներ, նախկին պաշտոնյաներ փորձում են ձեւակերպել հարցը, ես դա ուղիղ պետք է ասեմ՝ իրատեսական չեմ համարում:

Ուզում եմ մի դրվագ պատմել, որը մի քանի ամիս առաջ էր: Վայքում ԼՂ-ից բռնի տեղահանված մի կին ինձ մոտեցավ եւ հարց տվեց, ասաց՝ անկեղծ ասեք, ինչքանո՞վ է իրատեսական վերադարձի հարցը: Ես  նորից նույն պատասխանը տվեց, որ այն ընկալումներով, որոնցով ԼՂ-ի մի շարք ներկյացուցիչներ փորձում են հարցը փաթեթավորել, ես դա իրատեսական չեմ համարում: Այն նույն պատճառներով, որ պատճառներով այդ նույն մրդիկ ստորագրեցին ԼՂ  լուծարման մասին հրամանագիրը, եւ րոպե առաջ լքեցին ԼՂ-ն»,-ասաց Փաշինյանը:

Նա հիշեցրեց, որ 2023-ի սեպտեմբերին սոցցանցերում, մամուլում, ընդդիմության ներկայացուցիչների կողմից կար մեղադրանք, որ ինքը թույլ չի տալիս, որ ԼՂ ժողովուրդը դուրս գա ԼՂ-ին. «Հիմա էլ մի տարի հետո ինձ մեղադրում են, որ թույլ չեմ տալիս, որ ԼՂ ժողովուրդը վերադառնա ԼՂ; Այն փաթեթավորումը, այն բովանդակությունը, որ ներկայացվում է, իմ համոզմմաբ, հակասում է ՀՀ պետական շահերին: ՀՀ պետական շահը ես չափում եմ ՀՀ միջազգայնորեն տարածված տարածքներով եւ իրավազորությամբ: Մենք սա ուղիղ պետք է ասենք:

Ես մեր ճանապարհը վերագնահատելով ասել եմ Ա ամբոինից, որ ինձ համար ակնհայտ է, որ 1996 թվականին Լիսաբոնի գագաթաժողովից հետո ԼՂ հարցը չի եղել ԼՂ հարց, եղել է ՀՀ հարց, Հայաստանի պետականությունը զրոյացնելու հարց: Ժամանակի մեջ ես ավելի եմ դրանում համոզվում: Այն բովանդակությունը, որով փորձ է արվում ներկայացնել այդ խնդիրը, հակասում է ՀՀ պետական շահերին»:

Այս թեմայով Գեղամյանի տեղը դատարկ է մնալու, ցավոք, նա չտեսավ այն, ինչ ուզում էր՝ իշխանափոխություն. Արամ Սարգսյան (տեսանյութ) «Ես ուզում եմ լինել այն համարձակ աղջիկը 1997-ի, սխալվել, ընկնել ու շարժվել առաջ». Մարիամ Դավթյանը տեսանյութ է հրապարակել, որտեղ 24 տարեկան է «Ես ուզում եմ լինել այն համարձակ աղջիկը 1997-ի, սխալվել, ընկնել ու շարժվել առաջ». Մարիամ Դավթյանը տեսանյութ է հրապարակել, որտեղ 24 տարեկան է «Ես ուզում եմ լինել այն համարձակ աղջիկը 1997-ի, սխալվել, ընկնել ու շարժվել առաջ». Մարիամ Դավթյանը տեսանյութ է հրապարակել, որտեղ 24 տարեկան է Քո գնալու մասին ես լռելու եմ. Ավետը՝ Արա Մարտիրոսյանի մասին