Սևիկյանը բարեհաջող բուժզննում է անցել և առաջիկայում կդառնա «Լոկոմոտիվի» խաղացող

Հայաստանի ազգային հավաքականի և հունգարական «Ֆերենցվարոշի» կիսապաշտպան Էդգար Սևիկյանը բարեհաջող բուժզննում է անցել՝ Մոսկվայի «Լոկոմոտիվ» տեղափոխվելու համար: Տրանսֆերի մասին կհայտարարվի մոտակա օրերին: Այս մասին գրում է vseprosport.ru կայքը։

2023/24 մրցաշրջանի առաջին կեսը Էդգար Սևիկյանն անցկացրել է «Նիժնի Նովգորոդում»։ Հունգարական ակումբի կազմում Սևիկյանը բոլոր մրցաշարերում մասնակցել է 17 հանդիպման, որոնցում դարձել է 2 գոլի հեղինակ։

vseprosport.ru-ի տեղեկություններով, մինչ Հայաստանի հավաքական մեկնելը, Սևիկյանը խորացված բուժզննում է անցել Հունգարիայում՝ «Լոկոմոտիվ» տեղափոխվելու համար։ Ռուսական ակումբն արդեն փոխանցել է վարձակալության պայմանագրով նախատեսված գումարը, կողմերի միջև բոլոր անհրաժեշտ ձևակերպումները կարգավորվել են։ Մոտ ժամանակներս ռուսական ակումբը կհայտարարի Սևիկյանի վարձակալության մասին՝ խաղացողին հետագայում գնելու իրավունքով։