Շիրակի մարզում Honda-ն բախվել է բետոնե արգելապատնեշներին և կողաշրջվել․ կան վիրավորներ

Այսօր՝ օգոստոսի 1-ին, խոշոր ավտովթար է տեղի ունեցել Շիրակի մարզում։ Ժամը 20։50-ի սահմաններում «Honda ENS 1» մակնիշի ավտոմեքենան Երևան-Գյումրի ավտոճանապարհի 111 կմ հատվածում, դեռևս անհայտ հանգամանքներում դուրս եկել երթևեկելի գոտուց, բախվել է բետոնե արգելապատնեշներին և կողաշրջվել։

Shamshyan-ի հաղորդմամբ՝ վթարի հետևանքով 3 հոգի, որոնց առաջինը օգնության են հասել քաղաքացիները ավտոմեքենան ուղղել են և նշված անձանց դուրս են բերել ավտոմեքենայից, ովքեր ըստ դեպքի վայրում հավաքված քաղաքացիների պատմածի, օպերատիվորեն ժամանած Գյումրու բժշկական կենտրոնի շտապօգնության բժիշկների կողմից նախ տեղում առաջին բուժօգնությունն են ստացել, ապա տեղափոխվել Գյումրու բժշկական կենտրոն։


Վթարի փաստով Ախուրյանի քննչական բաժնում նախաձեռնվել է քրեական վարույթ, որտեղ էլ պարզվում են վարորդի և վիրավորների ինքնությունը։