Թուրքիան և Ճապոնիան իրենց քաղաքացիներին կոչ են արել հեռանալ Լիբանանից

Ճապոնիայի արտաքին գործերի նախարարությունը նախազգուշացում է տարածել՝ կոչ անելով Լիբանանում գտնվող Ճապոնիայի քաղաքացիներին լքել երկիրը՝ լարվածության աճի պատճառով։

Թուրքիան կոչ է արել իր քաղաքացիներին լքել Լիբանանը, եթե նրանք ստիպված չլինեն այնտեղ մնալ, քանի որ այնտեղ անվտանգության իրավիճակը կարող է կտրուկ վատթարանալ, հայտարարել է երկրի ԱԳՆ-ն։

Լիբանանի թուրքերը պետք է զգույշ լինեն և չմեկնեն Նեբաթիե, Հարավային Լիբանան, Բեքաա և Բաալբեկ-Հերմել նահանգներ, եթե խիստ անհրաժեշտություն չկա, ասվում է նախարարության հայտարարության մեջ:

«Նրանք, ովքեր կարիք չունեն մնալ Լիբանանում, պետք է լքեն Լիբանանը, քանի դեռ չվերթներ կան», - ասվում է հաղորդագրության մեջ: