Իրանի նախագահն առաջարկում է հարվածներ հասցնել Ադրբեջանում գտնվող իսրայելական բազաներին
Աշխարհ
Իրանի նախագահ Մասուդ Փեզեշքիանն առաջարկել է թիրախավորել Իրանի հարևան երկրներում իսրայելական գաղտնի բազաները: Այդ մասին գրում է The Telegraph-ը։
«Փեզեշքիանը մտավախություն ունի, որ Իսրայելի վրա ցանկացած ուղղակի հարձակում լուրջ հետևանքներ կունենա»,- ասել է Իրանի նախագահին մոտ կանգնած աղբյուրը։
«Սեպահը (Իսլամական հեղափոխության պահապանների կորպուսը) շատ համառ է Իսրայելին թիրախավորելու հարցում, և նրանք կարծում են, որ դա հեշտ է»,- The Telegraph-ին ասել է իր աղբյուրը:
«Նա առաջարկել է թիրախավորել Իսրայելի հետ կապված բազաները Ադրբեջանի Հանրապետությունում կամ Իրաքյան Քրդստանում, և այդ երկրներին մինչ այդ տեղյակ պահել և ավարտին հասցնել ողջ դրաման։ Իրանի նախագահը նաև առաջարկել է զինել «Հըզբոլլահին» ավելի ժամանակակից զենքերով և թույլ տալ նրանց կռվել Իրանի կողմից մեծ աջակցությամբ», նշվում է հրապարակման մեջ։
Ամենադիտված 
Մնաս բարյավ. Րաֆֆի Հովհաննիսյան
