Պատմաբաններին լռեցնելու օպերացիա՝ ՀՀ ԿԳՄՍ նախարարությունում. փորձելու են պաշտոնյա պատմաբանների բերանները փակել՝ հոնորարներ խոստանալով

Վաղը ԿԳՄՍ նախարարություն են հրավիրված գերատեսչական, պաշտոնյա պատմաբաններ՝ քննարկելու «Հայոց պատմության» 8-րդ դասարանի դասագիրքը։ Այդ մասին «Փաստինֆո»-ին ասել է պատմական գիտությունների դոկտոր Հայկ Դեմոյանը՝ խոտան որակելով այն «դասագիրքը», որը պատրաստվում են հրամցնել 8-րդ դասարանցիներին։ Գիտնականի տեղեկություններով՝ ԿԳՄՍ նախարարություն՝ նախարարի ու փոխնախարարի մոտ, հանդիպման են հրավիրվել գերատեսչական պատմաբաններիը, որոնք պաշտոններ ունեն եւ, ըստ ամենայնի, ինչ-որ հոնրարներ են խոստանալու, որ բերանները փակեն։

Հանդիպմանը մասնակցելու հրավեր Դեմոյանը չի ստացել։ Ավելին՝ նշել է, որ կզարմանար էլ, եթե իրեն հրավիրեին։ Դեմոյանի բնորոշմամբ՝ պատմաբաններին լռեցնելու օպերացիան սկսվում,«ինչ-որ գումարային, հոնորարային խոստումներ են տալու, որ աղմուկ չբարձրացնեն, որ հերթական մասնակցային դպրոցի Ժաննա Անդրեասյանի գործարքը տեղի ունենա»։

Ըստ նրա՝ գրքի վրա սրբագրիչ, ընդհանրապես, չի աշխատել, բովանդակայինը աղբ է ՝ «սովետական կղերակուսակցական, վերամբարձ մուտքով։ Ներածականում շարադրում են, թե մենք այս ենք անելու, այն ենք անելու, նույն սովետահայ պատմագրության ձեռագրիրն է»։ Պատմաբանի փոխանցմամբ՝ գրքում փորձ է արվել ներկայացնել Բագրատունիներից մինչև 20-րդ դարի սկիզբը, բայց իրականում 20-րդ դարի սկզբի իրադարձություններից ոչինչ չկա։

Դասագրքի վերաբերյալ խիստ բացսական կարծիք է տվել պատմության ինստիտուտը, եղել է 80 էջ գրախոսություն, հետո համարել են, թե, իբր, գրախոսությունը սխալ է տրվել ու խարդախությամբ, ինչ-որ անհայտ պատմաբանի կարծիքով անցկացրել են ։ «Շատ գռեհիկ ձևով շրջանցել են, կներեք այս բառն օգտագործեմ՝ քցել են Պատմության ինստիտուտին», - ասաց Հայկ Դեմոյանն ու հավելեց, որ կատարվածը համարում է կրկնահանցագործություն, պետության միջոցների մսխում, պետության հասցրած նյութական վնաս։ Ավելին, չի բացառվում, որ այդ հիմքով անձամբ հանցագործության մասին հաղորդում ներկայացնի՝ ԿԳՄՍ նախարարի ու փոխնախարարի գործողությունների առնչությամբ։

Պատմական գիտությունները դոկտորը նշեց, որ ուսումնասիրել է դասագիրքը եւ կարող է արձանագրել, որ ոչ միայն տառասխալներ կան, այլ նաեւ մտքի մինչև անգամ տարեթվերի սխալներ։ «Փաստինֆո»-ի հարցին, թե սոցիալական ցանցերում տարածվել է, որ անգամ 1828 թ. ռուս- պարսկական պատերազմի հետևանքով Արևելյան Հայաստանի տարածքի անցումը Ռուսական կայսրությանը մեկնաբանված է որպես բռնակցում կայսրությանը, Դեմոյանը դա խորամանկ խայծ որակեց։

«Դա խորամանկ խայծ է, որ մարդիկ կենտրոնան դրա վրա, թակարդ է լարված, թե, իբր, իրենք հակառուսական են, դա արել են, որ հերթական անգամ ռուսներին հնարավորություն տան, օգտագործել մեր դեմ։ Երկրորդը՝ դա դրել են շրջանառության մեջ, որ մարդիկ կենտրոնանան հակառուս, ռուսամետ հասկացությունների վրա, մարդկանց մի մասը կասի ճիշտ են գրել, մյուսը՝ ոչ ու բանավեճը կգնա իրենց ուզած ձևով ՝ մակերեսային, 50/50-ի մեջ, իսկ գլխավորը, բուն բովանդակությունը, սխալների քանակը, նորույթի բացակայությունը չեն նկատի, չեն քննարկի, կդառնա երկրորդական։ Երեխաներին հրամցնելու են խոտան գիրք, որում չկա ոչ մի նորություն, բայց արդյունքում մսխել են պետական գումար այն ստեղծելու համար»,- ասաց Հայկ Դեմոյանը՝ ավելացնելով, որ նախարարությունը փորձում է կանխել պատմաբանների միավորվելը, «փորձում են գերատսեչական պատմաբաններին իրենց կողմը քաշել, քանի որ անցյալ տարվա 7-րդ դասարանի դասագրիքի շուրջ քննադատաերի միավորումը, գիշերային սարսափ երազ էր իրենց համար, միավորվել էր ավելի քան 100 պատմաբան»։

Աղբյուր` Փաստինֆո