Մակրոնը կեղծ է որակել Դուրովի ձերբակալության քաղաքական դրդապատճառի մասին լուրերը

Ֆրանսիայի նախագահ Էմանուել Մակրոնը կեղծ է որակել Telegram-ի հիմնադիր Պավել Դուրովին ձերբակալելու քաղաքական դրդապատճառների մասին լուրերը։

Այս մասին Էմանուել Մակրոնը գրառում է կատարել X-ի միկրոբլոգում։

«Ես այստեղ կեղծ տեղեկություններ եմ ընթերցում Ֆրանսիայի վերաբերյալ՝ Պավել Դուրովի ձերբակալությունից հետո։ Telegram-ի ղեկավարի ձերբակալությունը Ֆրանսիայի տարածքում տեղի է ունեցել շարունակվող իրավական հետաքննության շրջանակում։ Սա ոչ մի կերպ քաղաքական որոշում չէ. դա դատավորների որոշելիքն է», - գրել է Մակրոնը։