Արթուր Չիլինգարովի հուղարկավորությանը մասնակցել է ՌԴ ողջ էլիտան, իսկ հայկական կողմը անտեսել է հայազգի մեծանուն բևեռախույզի հրաժեշտի արարողությունը (տեսանյութ)

Հայ մեծանուն բևեռախույզ, Պետդումայի պատգամավոր, ԽՍՀՄ, ՌԴ հերոս Արթուր Չիլինգարովին այսօր  հուղարկավորել են Մոսկվայի Նովոդևիչյան գերեզմանատանը՝ ՌԴ օրհներգի ներքո, զինվորական պատիվներով։ Այս մասին հայտնում է Պետդումայի կայքը։

Նշենք, որ հրաժեշտի արարողությանը ներկա են եղել ՌԴ բարձրաստիճան պաշտոնյաներ` կառավարության պատգամավորներ, Ռուսաստանի արդյունաբերողների և ձեռներեցների միության նախագահ Ալեքսանդր Շոխինը, երկրի կառավարությունում «Եդինայա Ռոսիա» խմբակցության ղեկավար Վլադիմիր Վասիլևը և այլք, սակայն անվանի բևեռախույզին հրաժեշտ տալու համար հայկական կողմից ոչ մի պաշտոնյա ներկա չի եղել։ ՀՀ վարչապետ Նիկոլ Փաշինյանի անունից անգամ ծաղկեպսակ չի ուղարկվել։ ԼՈՒՐԵՐ. com-ի աղբյուրը հայտնում է, որ մեծանուն հայ բևեռախույզի հուղարկավորության ժամանակ նկատել են ՌԴ-ում ՀՀ դեսպան Վաղարշակ Հարությունյանին, ով շատ շուտ հեռացել է։

Չիլինգարովի հիշատակին հուղարկավորության ծաղկեպսակներ են ուղարկել ՌԴ նախագահ Վլադիմիր Պուտինը, ՌԴ նախագահի աշխատակազմը, Պետդուման, Դաշնության խորհուրդը, ՌԴ վարչապետ Միխայիլ Միշուստինը, Պետդումայի նախագահ Վյաչեսլավ Վոլոդինը, Մոսկվայի պատրիարքը և Համայն Ռուսիո Կիրիլը, Ռուսաստանի Գիտությունների ակադեմիան, Պետդումայի «Եդինայա Ռոսիա» խմբակցությունը, նաև ՀՀ երրորդ նախագահ Սերժ Սարգսյանը: