Շուրջ մեկ ամիս է աշխատանքից ցանկանում է ազատվել Փաշինյանի մամլո խոսնակը
Հասարակություն
168.am-ը գրում է.
Նիկոլ Փաշինյանի՝ իր ենթակաների հետ շփվելու մշակույթն այն մակարդակին է հասել, որ նրա հետ չեն ուզում աշխատել անգամ նրան ամենամոտ գտնվողները, հատկապես այն մարդիկ, ովքեր ստիպված են անդադար շփվել նրա հետ:
Շուրջ մեկ ամիս է՝ աշխատանքից ցանկանում է ազատվել Նիկոլ Փաշինյանի մամլո խոսնակը՝ նախկին պատգամավոր, Շիրակի ՔՊ-ական նախկին մարզպետ Նազելի Բաղդասարյանը, սակայն նրան աշխատանքից չեն ազատում՝ հավանաբար փոխարինող չունենալու, ավելի ճիշտ՝ չգտնելու հանգամանքով պայմանավորված:
Գյումրիի՝ իր մտերիմների մոտ Նազելի Բաղդասարյանը բողոքել է, որ այլևս հնարավոր չէ հանդուրժել Փաշինյանին, որ նա այն աստիճանի վատ է վերաբերվում իր հետ, որ ինքը չի ուզում աշխատանքի գնալ:
Այն, որ Նիկոլ Փաշինյանի ենթակաները յուրատեսակ թրաֆիքինգի զոհեր են, հաստատել է անձամբ ինքը՝ Փաշինյանը, երբ էկոնոմիկայի նախկին նախարար Վահան Քերոբյանի՝ հրաժարականի վերաբերյալ լուրերին ի պատասխան՝ ասաց՝ ես եմ որոշում՝ ով, երբ կարող է աշխատանքից ազատվել:
Ամենադիտված 
Վրաստանի նախագահը հայկական Լոռին և Տաշիրը «պատմական Վրաստան» է համարում․ 168.am
