Աշխատելու նպատակով Ռուսաստան եկող միգրանտները պետք է ռուսերեն իմանան. Վոլոդին

Այն միգրանտները, ովքեր եկել են Ռուսաստան` աշխատելու, պետք է ռուսերեն իմանան։ Այս մասին ասել է Պետդումայի խոսնակ Վյաչեսլավ Վոլոդինը։ Նրա խոսքերը հայտնում է ՏԱՍՍ-ը։

«Շատ խնդիրներ են ծագում այն ​​պատճառով, որ այն երկրի տարածքում, որտեղից մարդը եկել է այստեղ՝ աշխատելու, լեզուն չի սովորել։ Սա հստակ վերաբերմունք է մեր ավանդույթներին ու մշակույթին, և հետո՝ խնդիրներ են առաջանում»,- ասել է քաղաքական գործիչը։

Նրա խոսքով, նման խնդիրներ չպետք է թույլ տան Ռուսաստանում։ Դրա համար կարևոր է աշխատել բարեկամ երկրների հետ և պայմաններ ստեղծել, որպեսզի նրանք սովորեն ռուսերեն:

Ավելի վաղ Պետդուման առաջարկել էր կրճատել Ռուսաստանում օտարերկրացիների գտնվելու ժամկետը։ Խորհրդարանի ստորին պալատի էլեկտրոնային տվյալների բազայում հրապարակված փաստաթուղթը նախատեսում է օտարերկրյա քաղաքացիների՝ երկրում գտնվելու թույլատրելի ժամկետը տարվա ընթացքում նվազեցնել մինչև 90 օր։