Հայաստանը պատրաստ է այս ամիս ստորագրել խաղաղության պայմանագիրը․ Փաշինյան (տեսանյութ)

Ինչպիսին էլ լինի Հայաստանի և Ադրբեջանի միջև ստորագրվելիք խաղաղության պայմանագիրը, մնալու են սկզբունքային հարցեր, որոնք կարիք է լինելու համաձայնեցնել, ստորագրել նոր համաձայնագրեր, ԱՊՀ ղեկավարների նեղ կազմով հանդիպմանը հայտարարել է վարչապետ Նիկոլ Փաշինյանը։

«Ստորագրված և վավերացված համաձայնագրի պայմաններում մյուս հարցերի կարգավորումը կլինի ավելի հեշտ, քանի որ տարածաշրջանում մթնոլորտն այլ կլինի»,– ասել է նա։

Փաշինյանը հայտարարել է, որ հայկական կողմը պատրաստ է ստորագրել համաձայնագիրն արդեն այս ամիս, և սա Երևանի պաշտոնական դիրքորոշումն է։