Ոստիկանության պետը պարգևատրել է ՀՀ-ում ԱՄՆ դեսպանատան ներկայացուցիչներին

Հոկտեմբերի 9-ին  ՆԳՆ ոստիկանության պետ-ՆԳ նախարարի տեղակալ Արամ Հովհաննիսյանը, հանցագործությունների բացահայտման գործում ՆԳՆ ոստիկանությանը աջակցություն ցուցաբերելու համար, «Համագործակցության ամրապնդման համար» մեդալով պարգևատրել է  ՀՀ-ում ԱՄՆ դեսպանատան  անվտանգության ծառայության պետ Էնդրյու Ջոնսոնին, հյուպատոսական հատուկ գործակալ Ուիլյամ Լա Շանսին և ՀՀ-ում ԱՄՆ դեսպանատան  անվտանգության հետաքննիչ Տիգրան Պետրոսյանին։

Արամ Հովհաննիսյանը շնորհակալություն է հայտնել սերտ համագործակցության համար՝ հույս հայտնելով, որ այն շարունակական է։

Անդրադառնալով ԱՄՆ քաղաքացու առևանգման դեպքին՝ Ոստիկանության պետն ընդգծել է, որ  հանցագործության  բացահայտմանը նպաստել է Հայաստան-ԱՄՆ իրավապահ մարմինների համագործակցության բարձր մակարդակն ու արհեստավարժությունը:

ՀՀ-ում ԱՄՆ դեսպանատան անվտանգության ծառայության պետ Էնդրյու Ջոնսոնը շնորհակալություն է հայտնել Ներքին գործերի նախարարությանն ու ոստիկանությանը՝ ԱՄՆ քաղաքացուն անվնաս հայրենիք վերադարձնելու և հանցագործությունը կատարած անձանց հայտնաբերելու գործում ցուցաբերած ջանքերի համար:

Երկուստեք պայմանավորվածություն է ձեռք բերվել շարունակելու սերտ համագործակցությունը։

Այս թեմայով 57-ամյա տղամարդը իր «ԳԱԶել»-ում թմրանյութ է պահել․ նա հայտնաբերվել է (տեսանյութ) Պարզվել է Սուրենավանում խուլիգանության դեպքի էական հանգամանքները. 1 անձ կալանավորվել է Դանակահարություն՝ Գյումրիում. տուժածը 32-ամյա տղամարդ է Ոստիկանության Նոր Նորքի բաժնում ահաբեկչության դեպքի նախաքննությունն ավարտվել է․ 3 անձի մասով գործը դատարանում է Ինչ անել, որպեսզի երթևեկության խախտումների տուգանքն ավտոմատ նվազի 20 տոկոսով. քանի քաղաքացի է օգտվել ծրագրից